సింగినాదం జీలకర్ర...ఏమిటి...

అప్పట్లో జీలకర్ర వర్తకులు కాలువలో పడవల మీద వెళ్తూ, ఏదైనా ఊరు వచ్చినప్పుడు శ్రుంగనాదం (కొమ్ము బూర) ఊదేవారట! అది విని జనం జీలకర్ర కొనుక్కోడానికి వెళ్లేవారట. దీన్ని ఆసరాగా తీసుకుని దొంగలు కూడా బూర ఊది, వచ్చిన జనాల్ని దోచుకోవడం మొదలుపెట్టారు.

అలా శృంగనాదానికీ జీలకర్రకీ సంబంధం ఏర్పడింది. నోరు తిరగని కొందరు శృంగనాదాన్ని సింగినాదం చేశారు. అబద్ధాన్ని నిజమనుకుని వెళ్లి జనం మోసపోవడం వల్ల, ఏదైనా విషయం నిజమో అబద్ధమో తెలియనప్పుడు సింగినాదం జీలకర్రేం కాదూ అనడం మొదలుపెట్టారు. అదే ఇప్పటికీ వాడుకలో ఉంది.

Read More

ఉత్తరంవైపు తలపెట్టి ఎందుకు నిద్రించకూడదు?

ఔనా .... ఎందుకు

మన భూమిలో అయస్కాంతశక్తి ఉత్తర దక్షిణాలుగా ఇమిడి ఉంటుంది. మనం అటువైపు తలపెట్టి నిద్రపోయామంటే ఆ దిక్కుల్లో ఉన్న అయస్కాంత శక్తి తరంగాలు, మన మెదడులోని శక్తిమంతమైన విద్యుత్ తరంగాలను తగ్గించేస్తాయి. దానివల్ల అనేక ఆరోగ్య, మానసిక సమస్యలు రావడమే కాక, రక్తప్రసరణలో మార్పు వస్తుంది. అంతేకాదు, దక్షిణ దిశలో యమదూతలు ఉంటారని హిందువుల విశ్వాసం. అయితే, తమిళులు మాత్రం దక్షిణ దిక్కు చాలా శుభసూచకమని నమ్ముతారు.

Read More