కంజీర

కర్ణాటక సంగీత కచేరీల్లో మృదంగానికి తోడుగా వాయించే వాయిద్యం కంజీర. కంజీరాను 1890ల్లోనే వాయిస్తుండేవారు. 1930లో సంగీత కచేరీల్లో తోటి వాయిద్యంగా ప్రవేశపెట్టారు.

ఇది గుండ్రంగా 7 నుంచి 9 అంగుళాల వెడల్పు, 2 నుంచి 4 అంగుళాల లోతు ఉంటుంది.

చూడ్డానికి మూతలాగ ఉంటుంది. దీన్ని జంతుచర్మంతో తయారుచేస్తారు. వెదురు లేదా కొయ్యతో గుండ్రంగా ఉన్న ఫ్రేమ్‌కి ఒక వైపు చర్మాన్ని గట్టిగా బిగిస్తారు.

ఫ్రేమ్‌కి మూడు లేదా నాలుగు పాత చిల్లు నాణాలు ఏర్పాటుచేస్తారు. ఇతర చర్మ వాయిద్యాల వలె కంజీరాను వాయించడం అంత సులభం కాదు. దీన్ని కుడి అరచేయి, వేళ్లతో వాయిస్తారు. ఎడమ చేయిని డ్రమ్‌కు మద్దతుగా ఉంచాలి. శబ్దాన్ని ప్రత్యేకించి నియంత్రించడంలో గొప్ప నైపుణ్యాన్ని ప్రదర్శించాల్సి ఉంటుంది. వాతావరణ పరిస్థితులను అనుసరించి కంజీరా పట్ల శ్రద్ధ తీసుకోవాల్సి ఉంటుంది.